Utilizziamo i cookie per personalizzare i contenuti e gli annunci, fornire le funzioni dei social media e analizzare il nostro traffico. Inoltre forniamo informazioni sul modo in cui utilizzi il nostro sito alle agenzie pubblicitarie, agli istituti che eseguono analisi dei dati web e ai social media nostri partner.

giovedì 29 gennaio 2015

L'ammore avesse essere, lirica di Tina Piccolo

Tutto chello ca nun è
l'ammore avessa essere..
carezze, abbracce e vase,
serate 'ncumpagnia,
resate cu alleria,
tanta voglia 'e campà....
 
Immece e' scuro 'o cielo,
si stienne 'a mano
l'arretire chiena 'e malincunia...
 
L'ammore? E chi ha cuntata
sta favula gentile,
nu core cerca a n'ato,
se 'mbriacano 'e suspire,
e daie felicità....
 
Fernimmele cu 'e cunte,
stu munno è troppo 'nfame
uno apprufitta 'e n'ato,
se 'mbroglia sulamente...
 
Canzone arrevutate, 
poesie cu amaro a dint'o,
staie sulo e suonne, suonne
pe te putè 'mbriacà....
 
L'ammore?' O munno sano
avesse essere chello ca nun è....
 
Povera terra nosta,
traduta, avvelenata
e nuie facimme finta
ca no, nun è accussì....
 
Tu pure avisse essere chello ca nun sì,
e stanca poso 'a penna
e me scipp'a faccia....

Na voce ca me chiamma
"Mammà ma staie chiagnenne?"
"Ma quanno maie, io rido
e rido comm'a cchè..."


 
TINA PICCOLO 
(AMBASCIATRICE DELLA POESIA NEL MONDO-CRITICA D'ARTE)

Nessun commento:

Posta un commento